Bakının Xətai rayonunda üç nəfər bıçaqlanıb.
Hadisə Əhmədli qəsəbəsində yerləşən fərdi yaşayış evlərindən birində qeydə alınıb.
Məlumata görə, Balakən rayon sakinləri - 1988-ci il təvəllüdlü Elnur Abdulla oğlu Xocaxov, 1986-cı il təvəllüdlü Vidadi Famil oğlu Bubuşov və 1983-cü il təvəllüdlü Sərvər Qərib oğlu Kərimov kirayə yaşadıqları evdə bıçaqlanıblar.
Müxtəlif dərəcəli bədən xəsarətləri alan hər üç şəxs xəstəxanaya yerləşdirilib.
Hadisə yerinə Xətai Rayon Polis İdarəsinin əməkdaşları cəlb olunublar. İlkin araşdırma zamanı hər üç şəxsin onlarla birlikdə kirayədə yaşayan şəxs tərəfindən bıçaqlandığı müəyyən edilib.
İlkin məlumata görə, hadisədən əvvəl mənzildə yeyib-içən şəxslər arasında mübahisə yaranıb. Mübahisə daha sonra bıçaqlanma ilə nəticələnib.
Faktla bağlı araşdırma aparılır.
Mənbə: teleqraf.az
