Bakıda ölümlə nəticələnən yol-nəqliyyat hadisəsi baş verib.
Teleqraf.az xəbər verir ki, hadisə martın 2-də Yasamal rayonu Şərifzadə küçəsində qeydə alınıb.
Belə ki, 2000-ci il təvəllüdlü Ağayev Elnur Elşən oğlu idarə etdiyi BYD markalı avtomobillə hərəkətdə olarkən velosiped sürən 1975-ci il təvəllüdlü Vahabov Natiq Vəli oğlunu piyada keçidi üzərində vurub. Nəticədə velosipedçi aldığı xəsarətlərdən hadisə yerində ölüb.
Faktla bağlı Yasamal Rayon Polis İdarəsinin İstintaq şöbəsində Cinayət Məcəlləsinin 263.2-ci maddəsi ilə cinayət işi başlanıb.
