Bakıda qızına şillə vuran ata həbs olunub.
Lent.az-ın əldə etdiyi məlumata görə, hadisə Sabunçu rayonu, Zabrat qəsəbəsində qeydə alınıb.
Əvvəllər məhkum olunmuş 41 yaşlı S.Cəfərov gecə saat 1 radələrində telefonla oynayan qızına irad bildirərək gedib yatmasını tapşırıb. Lakin qızı atasının sözlərini eşitməyib və oynamağa davam edib. Bundan əsəbiləşən Cəfərov şillə ilə qızının sifətinə zərbə vurub.
Bu əməlinə görə S.Cəfərov saxlanılıb və barəsində cinayət işi başlanıb. Cəfərov ifadəsi zamanı əməlindən peşman olduğunu deyib. İşin daha qəribə tərəfi isə onun məhkəmədən özü barəsində həbs qərarı verilməsini xahiş etməsidir. Belə ki, təqsirləndirilən şəxs həbs olunmayacağı təqdirdə özünə qəsd edəcəyini bildirib.
Məhkəmənin hökmü ilə S.Cəfərov 5 ay müddətinə həbs edilib.
