Bakıda iranlı fotoqraf Hamidrza Goharinin fərdi foto sərgisi keçirilib.
Bakuplus.az xəbər verir ki, sərgi iştirakçıları fotolar vasitəsilə İranın müxtəlif bölgələrinə səyahət edib, mədəniyyət, təbiət və gündəlik həyat mənzərələri ilə tanış olublar.
Tədbirdə çıxış edən İran İslam Respublikasının Azərbaycandakı səfiri Moctəba Dəmirçilu iki ölkə arasında mədəni əlaqələrin önəmini vurğulayıb.
Fotoqraf Hamidrza Gohari isə öz çıxışında sərginin ideyasından və fotoların çəkildiyi yerlərdən danışaraq yaradıcılıq prosesinin pərdəarxası məqamlarını bölüşüb.
Azərbaycan Fotoqrafları Birliyinin təsisçisi Mirnaib Həsənoğlu və İdarə Heyətinin üzvü Aydın Mehdiyev çıxışlarında sərginin foto sənətinə verdiyi töhfəni qeyd edib, beynəlxalq yaradıcılıq əməkdaşlığının əhəmiyyətindən danışıblar.
