Bakıda 67 yaşlı kişi 12 yaşlı oğlana təcavüz edib.
Oxu.az-ın məlumatına görə, hadisə paytaxtın Suraxanı rayonu, Hövsan qəsəbəsi, Ü.Abdullayev küçəsində yerləşən ərzaq mağazasında baş verib. Mağaza sahibi, 1958-ci il təvəllüdlü Mürvət İbrahimov (ad və soyad şərtidir) qonşuluqda yaşayan, 2013-cü il təvəllüdlü oğlana qarşı seksual zorakılıq edib.
Məlumata görə, oğlan hər gün səhər saatlarında oxuduğu orta məktəbə gedərkən, məktəbin yaxınlığında yerləşən mağazaya daxil olub, oradan yemək üçün qoğal və digər qidalar alırmış.
Bir gün oğlan yenidən şirniyyat almaq üçün mağazaya daxil olub. M.İbrahimov ona pulsuz şirniyyat verərək, onu mağazanın arxa otağına keçirib, orada seksual xarakterli hərəkətlər edib. O, daha sonra oğlana 1 manat verib ki, bu hadisəni heç kimə deməsin.
Bundan sonra M.İbrahimov hər gün oğlan dərsə gedən zaman onu mağazaya çağırıb şirniyyat verərək ona qarşı seksual hərəkətlər edib.
Bu proses təxminən bir il davam edib. Bir gün oğlan səhər saatlarında yenidən mağazaya konfet almağa gəlib. 67 yaşlı Mürvət ona konfet verərək mağazanın arxa otağına keçirib. O, oğlanla qeyri-təbii yolla cinsi əlaqədə olub. Daha sonra o, uşağa 2 manat verərək, bu hadisəni heç kimə deməməyi bildirib.
12 yaşlı oğlan həmin gün heç kimə heç nə deməsə də, səhəri gün ağrıları başladığından bu barədə anasına məlumat verib.
Polis əməkdaşlarının keçirdikləri əməliyyat tədbirləri ilə 67 yaşlı Mürvət İbrahimov saxlanılıb, faktla bağlı cinayət işi başlanıb.
Bakı Ağır Cinayətlər Məhkəməsinin hökmü ilə M.İbrahimov 16 il azadlıqdan məhrum edilib.
