Abşeron rayonunda 35 yaşlı kişi münasibətdə olduğu qadına xəsarət yetirib.
Demokrat.az-ın əldə etdiyi məlumata görə, hadisə rayonun Saray qəsəbəsində baş verib. Füzuli rayon sakini, 1991-ci il təvəllüdlü Samir küçədə tanışı Zülfiyyə ilə rastlaşıb.
Zülfiyyə Samirdən soruşub ki, kreditlə aldığı və ona verdiyi telefonun pulunu niyə ödəmir. Qadın telefonu geri istəyib. Bundan əsəbləşən kişi qadının boğazından tutaraq, sifətinə və digər nahiyələrinə yumruq, təpik zərbələri vurub.
Məhkəmədə ifadə verən təqsirləndirilən şəxs törətdiyi əməldən peşman olduğunu, cinayət əməli nəticəsində dəymiş ziyanı zərərçəkmişə ödədiyini, zərərçəkmiş şəxslə barışıq əldə etməsini bildirib.
Abşeron Rayon Məhkəməsinin hökmü ilə "Konstitusiya və Suverenlik İli" münasibətilə amnistiya elan edilməsi haqqında Milli Məclisin 19 dekabr 2025-ci il tarixli qərarının müvafiq bəndi tətbiq edilib, təqsirləndirilən şəxs cinayət məsuliyyətindən azad edilib və iş üzrə icraata xitam verilib.
