Bakıda liseydə silahlı insident baş verib.
Unikal.az xəbər verir ki, Binəqədi rayonu ərazisindəki liseydə 10-cu sinif şagirdi müəllimə silahdan atəş açıb.
Müəllim dərhal xəstəxanaya çatdırılıb. Vəziyyətinin ağır olduğu bildirilir.
Daxili İşlər Nazirliyi hadisə barədə məlumat yayıb. Məlumatda bildirilir: "Fevralın 6-da saat 09 radələrində Binəqədi rayonunda yerləşən özəl "İdrak" liseyinin qarşısında 10-cu sinif şagirdi Ə.Ş. insident törədib. Məlumata görə, o, atasına məxsus ov silahı ilə məktəbə gələrək orada müəllimə işləyən Ş.K-ya xəsarət yetirib. Polis əməkdaşları tərəfindən Ə.Ş saxlanılıb. Ondan ov silahı götürülüb.
Faktla bağlı araşdırma aparılır".
