Bu gün Bakı Ağır Cinayətlər Məhkəməsində hakim Nemət Məmmədovun sədrliyi ilə kürəkəni Rəşad Hüseynovu öldürməkdə təqsirləndirilən Firdovsi Hüseynovun cinayət işi üzrə hökm oxunub.
Məhkəmə tərkibi təqsirləndirilən Firdovsi Hüseynovun 8 il 11 ay 27 gün müddətinə azadlıqdan məhrum edilməsi barədə qərar çıxarıb.
Qeyd edək ki, dövlət ittihamçısı təqsirləndirilən Firdovsi Hüseynovun 10 il 6 ay müddətinə azadlıqdan məhrum edilməsini təklif etmişdi.
Xatırladaq ki, hadisə 2026-cı il fevralın 17-dən 18-nə keçən gecə baş verib. Belə ki, Firdovsi Hüseynov qızının nişanlısı Rəşad Hüseynovun qızının ünvanına nalayiq sözlər dediyi üçün bıçaqlayıb. Xəstəxanaya çatdırılan R. Hüseynov 40 gün sonra vəfat edib.
Firdovsi Hüseynov Cinayət Məcəlləsinin 120.1 (Qəsdən adam öldürmə) maddəsi ilə məsuliyyətə cəlb olunub.
Mənbə: lent.az
