Binəqədi Rayon Məhkəməsində xuliqanlıqda təqsirləndirilən Zamiq Xudiyevin cinayət işi üzrə məhkəmə iclası başa çatıb.
Hakim Gültәkin Əsәdovanın sədrliyi ilə keçirilən prosesdə hökm oxunub.
İttihama görə, təqsirləndirilən şəxs və istintaqla şəxsiyyəti müəyyən edilməyən digər şəxslər heç bir əsaslı səbəb olmadan zərərçəkmiş Tağı Məmmədova hücum edərək ona bıçaqla xəsarət yetiriblər.
Hadisə 2025-ci ildə axşam saatlarında paytaxtın Binəqədi rayonu ərazisində baş verib.
Zamiq Xudiyev digər şəxslərlə birlikdə zərərçəkmişi mühasirəyə alıb. Digərləri Tağının əl-qolunu tutublar, Zamiq isə bıçaqla ona zərbə endirib.
Məhkəmənin hökmü ilə Zamiq Xudiyev cəzasını ümumi rejimli cəzaçəkmə müəssisəsində çəkməklə 2 il 11 ay 26 gün müddətinə azadlıqdan məhrum edilib.
Qeyd edək ki, hadisə iştirakçılarının ad və soyadları şərti verilib.
Mənbə: pravda.az
