Fövqəladə Hallar Nazirliyinin "112" qaynar telefon xəttinə Bakı şəhərinin Suraxanı rayonunda 1 nəfərin su hovuzuna düşərək köməksiz vəziyyətdə qalması barədə məlumat daxil olub.
Nazirlikdən Bakuplus.az-a bildirilib ki, məlumatla əlaqədar Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub. Həyata keçirilən xilasetmə tədbirləri nəticəsində dərinliyi 6 metr olan hovuzdan (içərisində su olmayan) 1 nəfərin xilas olunması təmin edilib.
