Dünən səhər saatlarında Bakıda tikinti şirkətlərindən birinin ərazisində insident olub.
Qafqazinfo.az xəbər verir ki, Nərimanov rayonu ərazisində "Okuklu Holding"in rəhbəri Yılmaz Okuklu ilə bir qrup şəxs arasında dava-dalaş olub. Hadisə yerinə polis əməkdaşları cəlb edilib.
Yılmaz Okuklu bildirib ki, bir neçə nəfər onu təkləyərək hücum edib. İnsidentin biznes mübahisəsi zəminində baş verdiyi iddia olunur.
DİN-in Mətbuat xidmətindən bildirilib ki, faktla bağlı araşdırma aparılır. Qeyd edilib ki, fevralın 8-də səhər saatlarında paytaxtın Nərimanov rayonunda tikinti şirkətinin nümayəndələri ilə orada məskunlaşmış bir neçə sakin arasında insidentin olması barədə polisə məlumat daxil olub.
Əraziyə yaxınlaşan polis əməkdaşları tərəfindən insidentin qarşısı alınıb. Hazırda araşdırmalar davam etdirilir.
