Hazırda Azərbaycanda 4244 kənd var. Bu kəndlər arasında əhalisinin sayına görə ən böyük yaşayış məntəqəsi Abşeron rayonunun Masazır kəndidir.
Dövlət Statistika Komitəsinin məlumatına görə, 2019-cu ildə keçirilmiş əhalinin sonuncu siyahıyaalınmasının nəticələrinə əsasən, Masazır kəndində 68 273 nəfər əhali yaşayıb.
Son illərdə Masazırda əhalinin sayının sürətlə artdığı müşahidə olunur.
Abşeron yarımadasında yeni yaşayış massivlərinin salınması, çoxmənzilli binaların və fərdi evlərin tikintisinin genişlənməsi kəndin faktiki əhali sayına da təsir edib.
Qeyri-rəsmi hesablamalara görə, Masazırda rəsmi qeydiyyatda olmayan, lakin burada daimi və ya müvəqqəti yaşayan şəxslər də nəzərə alındıqda, kəndin faktiki əhalisi 150 min nəfəri keçir.
Mənbə: metbuat.az
