Bakı Beynəlxalq Avtovağzal kompleksindən "Koroğlu" metrostansiyası istiqamətində hərəkət edən 13 nömrəli avtobusdan şikayət var.
Bakuplus.az-a müraciət edən sərnişinin dediklərinə görə, sözügedən avtobusun tavanından su birbaşa oturacaqlara damıb.
Bildirilib ki, tək oturacaqlar yox, həm də avtobusun döşəməsi də islanıb. Hətta bəzi sərnişinlər bilmədən islanmış oturacaqda əyləşiblər, bəziləri isə yer boş olmasına baxmayaraq ayaqüstə qalıblar.
Xatırladaq ki, avtobuslarda tavandan su damması ilə bağlı oxşar hallar daha əvvəl də yaşanıb. Belə ki, "BakuBus"a məxsus 500 və 7A nömrəli avtobuslarda da eyni problem müşahidə olunmuşdu. "BakuBus"dan hadisənin avtobusun soyutma sisteminin drenaj xəttində yaranan texniki nasazlıq səbəbindən baş verdiyini bildirmişdilər.
