21 avqust görkəmli aktyor Gündüz Abbasovun anım günüdür.
O, 20 noyabr 1930-cu ildə Bakının Dağlı məhəlləsində ziyalı ailəsində dünyaya gəlib. Atası yazıçı-jurnalist və Bakı kinostudiyasının direktoru Şəmsəddin Abbasov, anası isə dramaturq Cəfər Cabbarlının qardaşı qızı Mələk xanımdır.
1952-ci ildə Bakı Rəssamlıq Məktəbini, 1961-ci ildə isə Azərbaycan Dövlət Universitetinin jurnalistika fakültəsini bitirib. Aktyorluqla yanaşı, yazıçılıq, jurnalistika, tərcüməçilik və rəssamlıqla da məşğul olub.
Abbasov Azərbaycan tamaşaçısına xüsusilə "Onun böyük ürəyi", "Bir qalanın sirri", "Bizim küçə", "Leyli və Məcnun", "Dədə Qorqud", "Babək" və digər filmlərdə yaratdığı obrazlarla tanışdır. "Bir qalanın sirri" filmindəki Elşən obrazı aktyorun ən məşhur rollarından biri hesab olunur. O, həmçinin "Mozalan" kinojurnalının müxtəlif süjetlərində də çıxış edib.
Gündüz Abbasov 21 avqust 1995-ci ildə Bakıda vəfat edib.
