Bu gün axşam saatlarından etibarən Azərbaycanda payız fəsli başlayacaq.
Bakuplus.az məlumat verir ki, Nəsirəddin Tusi adına Şamaxı Astrofizika Rəsədxanasının məlumatına görə, payız fəsli 22 sentyabr 22:19-da daxil olacaq.
Bu axşam həm də payız bərabərliyi günü olacaq, yəni gecə-gündüz bərabərliyi baş verəcək. Günəşin şüaları Yer ekvatoruna yenidən düz bucaq altında düşdüyündən gecə ilə gündüzün uzunluğu bərabərləşərək bütün coğrafi enliklərdə 12 saat olacaq. Başqa sözlə, gecə ilə gündüz sutkanı yarıbayarıya – hər birinə 12 saat olmaqla bərabər böləcəklər. Günəş göy ekvatorunu kəsərək Cənub yarımkürəsindən Şimal yarımkürəsinə keçəcək və astronomik payız başlayacaq.
Payız fəsli başlayandan sonra isə gecələr tədricən uzanacaq, gündüzlər isə tədricən qısalacaq.
