Bakının Nərimanov rayonu, Təbriz və Əliyar Əliyev küçələrinin kəsişməsində piyada yolu və küçə problem içindədir.
Belə ki, sakinlərin Bakuplus.az-a verdiyi məlumata görə, ərazidə piyada yolunun asfalt örtüyü uzun müddətdir baxımsız haldadır. Yolun yararsız olması piyadaların hərəkətini çətinləşdirir.
Bundan əlavə, ərazidə yolun hər iki tərəfində yerləşən işıq dirəklərindəki lampaların uzun müddətdir işləmədiyi bildirilir.
Bu səbəbdən axşam saatlarında ərazi demək olar ki, tamamilə qaranlıq olur. Sakinlər qeyd edirlər ki, yolun bərbad vəziyyətdə olması ilə yanaşı, işıqlandırmanın da olmaması piyadalar üçün ciddi təhlükə yaradır.
Vətəndaşlar məsələ ilə bağlı müvafiq qurumların ciddi tədbir görməsini tələb edir.
