Əməkdar artist Elton Hüseynəliyev Xalq artisti Flora Kərimova və Əməkdar artist Lalə Məmmədova ilə bağlı qalmaqallı açıqlama verib.
Axşam.az-ın məlumatına görə, Elton bu fikirlərinə görə sosial şəbəkədə tənqid edilib. Ona ilk cavab F.Kərimovadan gəlib. F.Kərimovanın paylaşımında isə sənət adamları ona dəstək durublar.
L.Məmmədova paylaşımda "Can Flora xanım, ürəyinizə salmayın, Tanrı sizi xalqımıza, musiqimizə ən qiymətli bir inci verib, Allah sizi bizə çox görməsin. Allah ona da şəfa versin, nə deyək" şərhini qeyd edib.
Müğənni İradə İbrahimova paylaşıma "Flora Kərimova, siz bizim her mənada tayı olmayanımız, günəşimizsiniz. Sizi çox sevirəm" şərhini yazıb.
Müğənni Xuraman Şuşalı isə "Sənətkarım, fəxrimiz, təkrarsız səs, xanım... Varlığınız neymətimizdir. Var olun" sözlərini əlavə edib.
Müğənni Sevinc Musayeva "Sizi sevirik, eybi yox, danışsınlar. Boş verin, bağışlayın. Böyüklük sizdə qalsın. Bizim sehirli səsi olan karifey sənətkarımızsınız" deyə, şərh bildirib.
Qeyd edək ki, Elton F.Kərimova və L.Məmmədova haqda "Lalə Məmmədova Brilliant Dadaşovanın kopyasıdır. Flora Kərimovanın 500 mahnısının 100-ü baldır, 400-nün isə dəxli yoxdu, hamıdan oxuyub" sözlərini deyib.
