Yeni Yasamal qəsəbəsi, Dadaş Bünyadzadə küçəsində yaşayan sakinlər buradakı ağacların budanmamasından şikayətçidirlər.
Bu barədə Bakuplus.az-a həmin ərazidə yaşayanlar müraciət edib.
Sakinlərin sözlərinə görə, gediş-gəlişin çox olduğu bu küçədə narahatlıq içində hərəkət edirlər. Onlar məcbur qalaraq maşın yolunda hərəkət etdiklərini bildiriblər:
"Ağacların hamısını budamaq lazımdır. Budaqlar camaatın gözünə girir. İnsan məcburdur maşın yolu ilə getsin".
Sakinlər Bakı Şəhər Yaşıllaşdırma Təsərrüfatı Birliyinin məsələ ilə bağlı tədbir görməsini tələb edir.
