Dünya şöhrətli aktyor Ceki Çan "Allahın zirehi IV: Ultimatum" filmini Qazaxıstanda çəkəcək. Bu, ulduzun Mərkəzi Asiya regionundakı ilk layihəsidir.
Bakuplus.az-ın məlumatına görə, Robert Kunun rejissorluğu ilə ərsəyə gələcək filmin çəkilişlərinə iyul ayında başlanılması və 2027-ci ilin ikinci rübündə dünya miqyasında nümayiş olunması planlaşdırılır.
Film Ceki Çanın canlandırdığı "Asiya qırğısı" personajının hekayəsini davam etdirir. Bu dəfə o, 20 milyon dollardan çox mükafatı olan "Tumar" adlı qədim artefaktın qlobal axtarışına qoşulur. Çəkilişlər Qazaxıstanla yanaşı Azərbaycanda da baş tutacaq.
