Bakının diqqət çəkən yeni məkanlarından biri olan "Crescent Mall"un önündə su şousu fəaliyyətə başlayıb. Dənizkənarı Bulvar yaxınlığında inşa edilən bu möhtəşəm kompleks öz müasir dizaynı və estetikası ilə fərqlənir.
Musavat.com-un məlumatına görə, su şousu musiqiyə uyğun olaraq su fontanlarının ritmik hərəkətləri ilə birləşərək unikal bir görüntü yaradır.
Su sütunlarının yüksəlişi və rəqsi musiqinin ritminə uyğun olaraq dəyişir və izləyicilərə vizual zövq verir.
Dubayda yerləşən məşhur fontan şousu ilə müqayisə olunan bu yeni su şousu "Crescent Mall"u şəhərin ən cəlbedici məkanlarından birinə çevirəcək.
İlkin nümayişdə Sertab Erenerin "Aşk" mahnısının sədaları altında suyun ritmik hərəkətləri böyük maraqla qarşılanıb.
Bakının yeni cazibə nöqtəsi olan "Crescent Mall" bu möhtəşəm su şousu ilə şəhərin turizm potensialını artırmağa və yerli sakinlərə unudulmaz anlar yaşatmağa davam edəcək.
