Bakıda bir neçə şəxsin etimadından sui-istifadə edərək müxtəlif dövlət qurumlarında işə düzəltmək vədilə külli miqdarda pul alan şəxsə hökm oxunub.
Hicran Şeyxov zərərçəkənlərə Mədəniyyət Nazirliyi, Elm və Təhsil Nazirliyi, həmçinin Tibbi Ərazi Bölmələrini İdarəetmə Birliyində (TƏBİB) yüksək vəzifələrdə çalışan şəxslərlə yaxın əlaqələri olduğunu deyib. O, bir neçə nəfərdən hər birindən 10 min manat alaraq, onları Təcili Tibbi Yardım xidmətinə sürücü kimi düzəldəcəyinə söz verib.
Eyni zamanda, Şeyxov V.F. adlı qadına Suraxanı rayonunun Əmircan qəsəbəsində yerləşən Mədəniyyət Evinə direktor vəzifəsinə təyin ediləcəyini vəd edib və ondan 5 min manat alaraq mənimsəyib.
Məhkəmənin hökmü ilə Hicran Şeyxov 2 il 5 ay 28 gün müddətinə azadlıqdan məhrum edilib.
