"Mədəniyyət Nazirliyi tərəfindən görkəmli rəssam, Əməkdar incəsənət xadimi Cavad Mircavadovun məzarının vəziyyəti ilə bağlı məsələ diqqətə götürülüb".
Bu barədə Bakuplus.az-a Mədəniyyət Nazirliyindən məlumat verilib.
Bildirilib ki, məzarın mövcud vəziyyəti aidiyyəti qurumlarla birgə nəzərdən keçiriləcək və zəruri tədbirlərin görülməsi imkanları qiymətləndiriləcək: "Araşdırmanın nəticəsinə uyğun olaraq müvafiq addımlar atılacaq".
Qeyd edək ki, sosial şəbəkələrdə Əməkdar incəsənət xadimi Cavad Mircavadovun məzarının baxımsız olduğunu, baş daşının uçduğunu əks etdirən görüntü paylaşılıb.
***
Əməkdar incəsənət xadimi Cavad Mircavadovun Yasamal qəbiristanlığındakı məzarı baxımsız vəziyyətdədir.
Bakuplus.az xəbər verir ki, bu barədə sosial şəbəkələrdə paylaşım edilib.
Fotodan da görünür ki, sənətkarın məzar daşı dağılmış və ətrafını ot basmış haldadır.
Qeyd edək ki, mərhum sənətkarın həyat yoldaşı Lyubov Mircavadova bir neçə il əvvəl vəfat edib. Yeganə oğlu Xəzri isə Kanadada yaşayır.
C.Mircavadov 1923-cü il yanvarın 19-da Bakıda doğulub. Uşaqlığı Bakının Fatmayı kəndində keçib. 15 yaşı olanda "Azərbaycan" kinoteatrına, afişaçəkən rəssam Zarubinin yanında işə düzəlib. Burada 1 il çalışdıqdan sonra işə gecikdiyi üçün 6 ay müddətində həbs edilir və Bayıl həbsxanasına göndərilib.
Sənətkar 1992-ci ildə Kopenhagen-Moskva qatarında yol gedərkən vəfat edib. O, rəssam Tofiq Cavadovun qardaşıdır.
