"Özümü o qədər də gözəl hesab etmirəm. Yaşın da gətirdiyi bir gözəllik var. İç dünyası... O da ola bilər. Onun yanında da xırda toxunuşlar edirəm. Pis örnək olmaq istəmirəm. Əslində mən sağlam həyat tərzi və qidalanmaqdan bəhs edirəm. Bacım Nigarın da mənə tövsiyələri var ki, mən onun məsləhətlərinə sona qədər güvənmişəm, inanmışam".
Olay.az xəbər verir ki, bu sözləri müğənni İradə İbrahimova "Sabahın xeyir, Azərbaycan!" verilişinə müsahibəsində deyib.
Sənətçi qidalanmasından və formada qalmasından söz açıb:
"Elə gün yoxdur ki, sirkəli su içməyim. Oyanan kimi əsla yemək yemirəm. 18:00-dan sonra hər hansısa bir yerə qonaq gedəcəyəmsə, yemək məsələsini yalnız o saata saxlayıram. Yəni o qonaqlıqda yemək yeyirəm və bitirirəm yemək işini. Mütləq şəkildə hər gün özümü 40 dəqiqə yeriməyə məcbur edirəm. Bir də ki həyatımda olmazsa olması kitab oxumaqdır".
İbrahimova bir az da xasiyyətindən bəhs edib:
"Deyirlər ki, bir az sərt ana və həyat yoldaşıyam. Amma bunu mən qəbul etmirəm. Xasiyyət olaraq qarmaqarışıq, dəyişkən insanam. Ruh halım çox dəyişkən olur. Hətta bunu ailə üzvlərim də hərdən vurğulayır. Bəzən qəhqəhə ilə gülə də, bəzən də ağlaya da bilirəm. Yuvanı hər zaman dişi quş qurur. Qadın istəsə hüzurlu və hüzursuz da ortam yarada bilir. Amma mən hər zaman hüzuru sevmişəm. Hətta bəzən həyat yoldaşıma deyirəm ki, sanki səni mən doğmuşam. Müşahidə etməyi çox sevirəm. Onun bir baxışından "belə bir demək istədin" dediyimdə, o etiraz edəndə söyləyirəm ki, amma səni çox gözəl tanıyıram. Yenə də bütün yükün qadında olduğunu hesab edirəm. Buna etiraz edənlərə, etiraz edib və yükü bir az həyat yoldaşına yükləyənləri alqışlayıram hər zaman. Mən bunu edə bilmədim. Çünki hər şeyə özüm yetişmək və kontrolumda saxlamağı sevirəm. Bu mənə hüzur verdiyi üçün etdim. Bu hal olanda qarşı tərəf də deyir ki, yəqin bunu edə bilməyəcəyimi düşündüyü üçün bütün yolları sizin üçün açır. Canına da minnət... Qadın yorulur, deyinir".
İradə bildirib ki, özünə qarşı hörmətsizlik və laqeyidlik görəndə əsəbiləşir:
"Hörmətsizlik - susa bilməyəcəyim bir vəziyyətdir. Özümə qarşı hörmətsizlik, laqeyidsizlik görsəm... Sərhəd var, onu keçməyə heç kimə icazə vermirəm: uşaqlarım, həyat yoldaşım, bacılarım, heç fərq etmir".
"Ailənizlə yaxın gələcəkdə Türkiyədən Azərbaycana köçməyi düşünürsünüz?" sualına müğənninin cavabı belə olub:
"Bu haqda heç zaman düşünməmişəm. Həyat sürprizlərlə doludur. Bilmək olmaz, bəlkə nə zamansa ailəmlə birgə Azərbaycana köçüb, burada yaşaya bilərik"
Qeyd edək ki, müğənni İradə İbrahimova 2009-cu ildə əslən azərbaycanlı olan türk vətəndaşı, iş adamı Ceyhun İzərlə ailə həyatı qurub.
Cütlüyün 2010-cu ildə İpək adlı qız övladı dünyaya gəlib. 2015-ci ildə isə sənətçi ikinci dəfə ana olub və Əli adlı oğlan övladı dünyaya gətirib.
Hazırda isə İradə İbrahimova ailəsi ilə birlikdə Türkiyənin İstanbul şəhərində yaşayır.
