Abşeron Rayon Məhkəməsində qəsdən sağlamlığa yüngül zərər vurmada təqsirləndirilən Fərid Fərhadovun cinayət işi üzrə məhkəmə istintaqı yekunlaşıb.
Pravda.az-ın əldə etdiyi məlumata görə, hakim Abusət Qasımovun sədrliyi ilə keçirilən prosesdə hökm oxunub.
İttihama görə, hadisə 29 yanvar 2026-cı il tarixdə, saat 22 radələrində Abşeron rayonu ərazisində baş verib.
Keçmiş həyat yoldaşı, zərərçəkmiş Məleykə Hacıyeva Fərahada deyib ki, sənə falçılar vasitəsilə "əməl" ediblər. Bundan sonra onlar arasında mübahisə yaranıb. Kişi qadının üzərinə hücum edərək əl və yumruq zərbələri ilə onun baş, sifət və qulaq nahiyələrinə ardıcıl zərbələr endirib.
Məhkəmə-tibbi ekspertizasının rəyinə əsasən, aldığı xəsarətlər Mələykə Hacıyevanın sağlamlığın qısa müddətə pozulmasına səbəb olub.
Məhkəmənin hökmü ilə ona 8 ay müddətinə azadlığın məhdudlaşdırılması cəzası təyin edilib.
Qeyd edək ki, adlar şərti verilib.
