Bir neçə gün əvvəl Xalq artisti Flora Kərimovanın səhhətinin pisləşdiyi və bu səbəbdən ona Təcili Tibbi Yardım briqadasının çağırıldığı barədə xəbərlər yayılmışdı.
Bakuplus.az-ın əməkdaşı sənətkarın səhhəti ilə bağlı son vəziyyəti öyrənmək üçün onun köməkçisi Yaqut xanımla əlaqə saxlayıb.
O, saytımıza açıqlamasında bildirib ki, Flora Kərimovanın vəziyyəti qənaətbəxşdir: "Flora xanım mütəmadi olaraq "Liv Bona Dea Hospital"da müalicə alır və müayinələrdən keçir. Hazırda səhhəti yaxşıdır. O, bağ evində istirahət edir. Narahatlığa heç bir əsas yoxdur".
Qeyd edək ki, 84 yaşlı Xalq artisti bir müddət əvvəl səhhətində yaranan problemlərlə əlaqədar xəstəxanaya yerləşdirilmişdi. Müalicə prosesi Heydər Əliyev Fondunun prezidenti Mehriban Əliyevanın nəzarətinə götürülüb. Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov da sənətkara baş çəkərək onun səhhəti ilə maraqlanıb. Səhhətindəki problemlərlə əlaqədar olaraq Flora Kərimovanın iyunun 20-də Yaşıl Teatrda keçirilməsi planlaşdırılan konserti də sentyabr ayına təxirə salınıb.
