Bakının Nizami rayonunda yerləşən "Laçın" Ticarət Mərkəzindəki "Nur" gəlinlik salonunda dava olub.
Bakı sakini Afət Babayeva gəlini ilə gəlinlik seçmək üçün salona gedib. Burada satıcı, 1986-cı il təvəllüdlü Aysu Əliyeva ilə aralarında mübahisə yaranıb və Aysunun Afətin sağ qolunu bərk çimdikləyərək xəsarət yetirdiyi bildirilib.
Məhkəmədə Aysu ittihamı qəbul etməyib. O, mübahisənin Afətdən xoşagəlməz qoxu gəldiyini hiss etməsindən sonra yarandığını deyib və "3 il qaydasız döyüşlə məşğul olmuşam, vursaydım ağır xəsarət yetirərdim" ifadəsi ilə diqqət çəkib.
Nizami Rayon Məhkəməsi Aysunu İnzibati Xətalar Məcəlləsinin 157-ci maddəsi ilə təqsirli bilib, lakin inzibati məsuliyyətə cəlbetmə müddəti keçdiyi üçün işə xitam verib.
mənbə: teleqraf.az
