23 aprel görkəmli aktyor Kamal Xudaverdiyevin anım günüdür.
O, 3 may 1938-ci ildə Bakıda doğulub.
1965-ci ildə ali təhsilini başa vuran Kamal Xudaverdiyev Akademik Milli Dram Teatrının baş rejissoru Tofiq Kazımovun təklifi ilə truppaya ştata götürülüb. Arada qısa fasiləni çıxmaqla yalnız Akademik teatrda işləyib. Aktyor teatrdan əlavə Azərbaycan Dövlət Televiziyasında hazırlanan tamaşalarda da çoxlu obrazlar ifa edib.
Bir çox Azərbaycan filmlərində xaraktercə fərqli obrazlara çəkilib.
Kamal Ağahüseyn oğlu Xudaverdiyev teatr və kino yaradıcılığındakı səmərəli fəaliyyətinə görə 1 dekabr 1982-ci ildə Azərbaycan Respublikasının əməkdar artisti, 22 may 1991-ci ildə xalq artisti fəxri adları ilə təltif olunub. Prezident təqaüdçüsü idi.
23 aprel 2008-ci ildə ürək çatımazlığından vəfat edib.
