13 avqust korifey müğənni, Xalq artisti Elmira Rəhimovanın doğum günüdür.
Rəhimova Elmira Allahverdi qızı 1941-ci ildə Bakı şəhərində anadan olub.
Azərbaycan Dövlət Musiqi Texnikumunu (1965), Azərbaycan Dövlət Dillər İnstitutunu (1970) bitirib.
1956-cı ildən Azərbaycan Dövlət Filarmoniyasının və Azərbaycan Teleradio Verilişləri Şirkətinin solistidir.
50-ci illərin sonunda hind mahnılarının ifaçısı kimi tanınıb. Hindistanın Baş naziri C.Nehrunun dəvəti ilə iki dəfə Hindistanda olub, burada hind mahnı və rəqslərini öyrənib. 1982-ci ildə Hindistanda keçirilən festivalın laureatı olub. Dünyanın 60-dan çox ölkəsində konsert proqramları ilə çıxış edib.
Elmira Rəhimova Azərbaycan bəstəkarlarının mahnılarını özünəməxsus ustalıqla ifa edib, yaddaşlarda dərin iz buraxıb.
Anand adında bir oğlu və iki nəvəsi var.
