Xalq artisti Nisə Qasımovanın bacısı Kövsər xanım etirafı ilə diqqət çəkib.
Axsam.az xəbər verir ki, "Afaqla onlar" verilişinə açıqlama verən Kövsər türkiyəli müğənni İbrahim Tatlısəsin N.Qasımovaya evlilik təklifi etdiyini deyib:
"Sovet dövründə Nisə Türkiyəyə getmişdi. İbrahim Tatlısəslə görüşmüşdülər. Nisə bacım da onunla bir səhnəni bölüşməyə çağrılmışdı. İbrahim Nisə bacımın ayaqlarının altında oturub ona təriflər söylədi. Ona Türkiyədə qalmağı məsləhət gördü. Amma bacım ona "baxarıq" demişdi.
Bacım Nisə sonra mənə və anamıza gəlib dedi ki, İbrahim söyləyib səni alıram, gəl evlənək və Türkiyədə qal. Bacım isə cavabında ona demişdi ki, mən nə Türkiyədə qalanam, nə də sənə ərə gedən. Mən Azərbaycan qızıyam. Heç zaman bunu edə bilmərəm. Nisə Qasımova heç zaman Vətənini satmaz”.
