“Anar, Rəşad Məcid və Rauf Aslanov məndən 5 min manat təzminat istəyirlər. Bundan başqa üzr istəməyimi tələb edirlər. Amma mənim bir narahatlığım yoxdur. El-oba bilir ki, Yazıçılar Birliyində nələr baş verir, mən dediklərimin hamısı həqiqətdir”.
Bunu Bakuplus.az-a açıqlamasında Azərbaycan Yazıçılar Birliyinin (AYB) məhkəməyə verdiyi şair İlham Qəhrəman deyib.
İlham Qəhrəman bildirib ki, AYB-nin fəaliyyəti ilə bağlı dediklərinin prokurorluq və Dövlət Təhlükəsizlik Xidməti tərəfindən yoxlanmasını istəyir: “Məhkəmədə çıxış edəcəm, çalışacam öz iddialarımı müdafiə edim. Onlar mənim dediklərimi şər və böhtan hesab edirlərsə... Mən hələ başqa şeylər də bilirəm. Dediklərimin prokurorluq və Dövlət Təhlükəsizlik Xidməti tərəfindən araşdırılmasını xahiş edirəm”.
Kamran Rza
