Bu gün mərhum Xalq artisti İlhamə Quliyevanın doğum günüdür.
Quliyeva İlhamə Məzahir qızı 1943 il avqustun 17-də Lənkəran şəhərində doğulub. Xalq artisti mərhum sənətkar Tükəzban İsmayılovanın qızıdır. 1969-cu ildə Azərbaycan Dövlət Universitetini bitirib.
Repertuarına Azərbaycan və xarici ölkə bəstəkarlarının əsərləri daxildir. 1998-ci ildə İlhamə Quliyevaya xalq artisti adı verilib. Müğənni həm də Dağıstanın (2008-ci ildə) xalq artistidir.
O, "Şöhrət" və "Şərəf" ordenləri ilə təltif edilib.
İ.Quliyeva 25 fevral 2016-cı ildə tromboemboliyadan vəfat edib. 26 fevral 2016-cı ildə İkinci Fəxri Xiyabanda anası, Xalq artisti Tükəzban İsmayılova və ögey atası, Xalq artisti Həbibulla Bayramovun yanında dəfn olunub.
