Vətəndaşa qarşı quldurluq etməkdə təqsirləndirilən Rəhman Qurbanəlizadənin barəsindəki qərardan kassasiya şikayəti verilib.
Pravda.az xəbər verir ki, hazırda şikayət Ali Məhkəmənin hakimi Teyyub Muxtarovun sədrliyi ilə araşdırılır.
Qeyd edək ki, hadisə 2023-cü ilin noyabrında paytaxtın Sabunçu rayonunda qeydə alınıb. Belə ki, Rəhman Qurbanəlizadə ona küçədə sataşan Emin Məmmədovu döyüb, daha sonra onun telefonunu alıb. Təqsirləndirilən şəxs məhkəmə istintaqı dövründə ona elan edilən ittihamla özünü təqsirli bilməyib. Zərərçəkmiş şəxs Emin Məmmədov isə ifadəsi zamanı təqsirləndirilən şəxsin ona dəyən ziyanın ödədiyini və ondan şikayətçi olmadığını bildirib. Rəhman Qurbanəlizadəyə qarşı Cinayət Məcəlləsinin 181.3.3-cü (külli miqdarda əmlak əldə etmək və zərərçəkmiş şəxsin sağlamlığına ağır zərər vurulmaqla quldurluq) maddəsi ilə ittiham irəli sürülüb.
Bakı Ağır Cinayətlər Məhkəməsinin hökmü ilə o, 7 il müddətinə azadlıqdan məhrum edilib.
