Abşeron rayonu, Masazır kəndi Süleyman Rüstəm küçəsinin sakinləri yolların bərbad vəziyyətindən şikayətçidirlər.
Bakuplus.az-a müraciət edən sakinlərin sözlərinə görə, uzun müddətdir təmir edilməyən küçələr yağışlı havalarda palçıq içində qalır və keçilməz olur.
Onlar bildirir ki, tez-tez içməli su borusu partlayır, su yola axır:
"Yollarımız bu gündədir, palçıqdan keçmək mümkün deyil. Su borusu partlayıb, amma baxan yoxdur. Evimizi su basır, kimə müraciət edəcəyimizi bilmirik. Saatlardır içməli su yola axır, "Azərsu"dan da heç bir reaksiya yoxdur".
Sakinlərin sözlərinə görə, bələdiyyə və digər aidiyyəti qurumlar problemi həll etmək üçün heç bir tədbir görmür:
"Bələdiyyə də öz kefindədir, nə yolu asfalt edir, nə işıq xətləri çəkilir."
Masazır sakinləri problemin aradan qaldırılması və su sızmasının qarşısının alınması üçün müvafiq qurumlardan təcili tədbir görülməsini tələb edirlər.
