Bakı şəhəri Xətai rayonu Məhəmməd Hadi küçəsində yaşayan sakinlər yolun bərbad vəziyyətdə olmasından şikayətçidirlər.
Bakuplus.az-a müraciət edən vətəndaşlar bildiriblər ki, "Əhmədli" metrostansiyasının 3-cü çıxışının yaxınlığında yerləşən bu küçənin baxımsız halda olması həm piyadalar, həm də nəqliyyat vasitələri üçün ciddi çətinlik yaradır.
"Əsas yoldan düşən kimi məhəlləyə daxil olursan. Məhz məhəllənin giriş hissəsi pis gündədir. Maşınların altı çox pis dəyir. Bu küçəyə diqqət yetirən yoxdur. Aidiyyəti qurumlara ən azı 5 dəfə məktub yazılıb. Ancaq hələ ki müraciətlərimizə baxılmır", - sakinlər yazırlar.
