"Qızımın fikirlərinə hörmətlə yanaşıram. Amma mən onun aktrisa olmasını istəmərəm. Bir aktrisa nə qədər tale oynayır. Mənim obrazlarım ürəyimə təsir edir".
Bu fikirləri "Künc-bucaq" "Youtube" layihəsində məşhur aktrisa Məleykə Əsədova deyib.
O bildirib ki, sənət adamlarının çəkdiyi əziyyəti qızının yaşamasını istəmir: "Qızım efirdən uzaqdır. Diplomatiya sahəsində təhsil alır. Bu il magistraturaya hazırlaşır. Qızımın 20 yaşı var, hələ də sosial şəbəkələrdən uzaqdır. Qızım "TikTok"dan nə öyrənəcək? Lazım deyil. Qızım mənə aiddir, əvvəldən istəməmişəm. Deyirəm, qızım, istəsən "Instagram" aç, amma "TikTok" olmaz. Qızım daha çox kitab oxuyur".
