Məsələ ilə bağlı Bakı metropoliteninin ictimaiyyətlə əlaqələr şöbəsinin rəisi Bəxtiyar Məmmədov Bakuplus.az-a açıqlama verib.
Onun sözlərinə görə, bu gün səhər saatlarında qatarlar arasında 7 dəqiqə intervalın yaranmasına səbəb metropolitendə texniki nasazlıqla bağlı deyil:
"Bakı metropoliteninin "Dərnəgül" stansiyasında qatarın vaqonlarından birinin qapısının bağlanmasına maneə yaranıb. Maşinist qatarın qapısına baxış keçirib. Qapı arasında geyim aksesuarı aşkar olunub və kənarlaşdırılıb. Maşinist qapıların açılıb-bağlanmasını yoxlayaraq problem olmadığını aşkar etdikdən sonra qatar marşrut üzrə hərəkətə başlayıb. Ümumilikdə 2 dəqiqədən artıq gecikmə yaransa da, mənzillər arasında qrafik üzrə interval qısa müddətdə bərpa olunub".
***
12:30
Bu gün səhər saatlarında metronun "20 Yanvar" stansiyasında qatarların hərəkətində gecikmə müşahidə olunub.
Sərnişinlərin Bakuplus.az-a verdiyi məlumata görə, qatarlar arasında interval təxminən 7 dəqiqəyə yaxın olub və nəticədə stansiyalarda sıxlıq yaranıb.
Xatırladaq ki, "Bakı Metropoliteni" QSC bir neçə gün əvvəl sentyabrın 15-dən payız-qış hərəkət qrafikinə keçildiyini, günün pik saatlarında qatarlar arasında intervalın 1 dəqiqə 45 saniyəyə endirildiyini açıqlamışdı.
