Meyxanaçı-müğənni Samirə Yusifqızı qızı Fərəhi sosial şəbəkədə tənqid olunan video çıxışına görə cəzalandırıb.
O, qaynarinfo.az-a açıqlamasında bildirib ki, Fərəhi "Samirəqızı" təxəllüsündən məhrum edib:
"Qızıma bir kəlmə dedim ki, mənim adımı götür üstündən. Heç vaxt heç yerdə Fərəh Samirəqızı demə. Mənim qızıma cəzam bu oldu, vəssalam".
Qeyd edək ki, ötən gün meyxanaçı Samirənin qızı Fərəhin sosial mediada görüntüləri yayılıb. Onun həmkarı Kəmalə Günəşlinin müdafiə xarakterli çıxışı bütün qadınların qəzəbinə tuş gəlib. Samirə Yusifqızı isə övladının hərəkətinə görə Azərbaycan xalqından üzr istəyib.
