"Əlibaba Abdullayev, Brilliant Dadaşova, Almaz Saraylı, Elnarə Xəlilova mənim qohumlarımdır. Ailəmizdə ümumiyyətlə sənət adamları çoxdur. Onların hər birinə böyük hörmətim var. Bəlkə də bu sənət yolunun davamçılarından ən sonuncusu mənəm. Açığı, sənətə gələndə hansısa xüsusi dəstəyə ehtiyac olmayıb. Hər zaman öz yolumu öz zəhmətimlə getməyə çalışmışam. Bu sahədə özünü sübut etmək hər şeydən önəmlidir. Elnarə Xəlilova isə xalamın qızıdır və o, hər zaman mənə həm mənəvi, həm də peşəkar baxımdan dəstək olub".
Bunu moderator.az-a açıqlamasında müğənni Mina Hüseyn deyib.
Müğənni jurnalistin "Almaz Saraylı deyəsən sizdən inciyib, xətrinə dəymisiz?" sualına belə cavab verib: "Almaz xanım gözəl insandır, onu çox istəyirəm və sənətkar kimi də böyük hörmətim var. Mən heç bir qohumumdan ögeylik hiss etmirəm, hər kəsin öz baxışı, fikirləri var və onlara hörmətlə yanaşıram. Mən sülh tərəfdarıyam və münasibətləri yaxşı saxlamağa çalışıram, çünki ailə və sənət bir-birinə dəstək olmalıdır".
Qeyd edək ki, Almaz Saraylı bir müddət əvvəl müğənnilər Mina və Elnarəni tənqid etmişdi.
