Avqustun 17-si Azərbaycanın görkəmli opera və estrada müğənnisi (bariton), bəstəkar, SSRİ Xalq artisti Müslüm Maqomayevin doğum günüdür.
O, 17 avqust 1942-ci ildə Bakıda anadan olub. Güclü bariton səsi ilə opera, estrada və klassik musiqini birləşdirərək unikal üslub yaradıb.
19 yaşında Moskva səhnəsində çıxışı ilə böyük şöhrət qazanıb. "Arşın mal alan", "Sevil", "Don Karlos" kimi operalarda ifaları yadda qalıb.
1960–70-ci illərdə SSRİ-də "Estradanın kralı" adlandırılırdı. Çoxsaylı beynəlxalq mükafatların laureatı olub.
Onun xalq şairi Nəbi Xəzrinin sözlərinə bəstələdiyi və dillər əzbəri olan, vətənimizin himni kimi əzəmətli səslənən "Azərbaycan" mahnısı da ölkəmizə ithaf olunmuş ən gözəl əsərlərdəndir. Müğənni həm də "Oxuyur Müslüm Maqomayev", "Nizami", "Moskva notlarda" filmlərində çəkilib.
25 oktyabr 2008-ci ildə Moskva şəhərində vəfat edib, Bakıda Fəxri Xiyabanda dəfn olunub.
Azərbaycan Respublikasının Prezidenti İlham Əliyevin 2012-ci il 11 may tarixli Sərəncamına əsasən görkəmli müğənni və bəstəkar Müslüm Maqomayevin 70 illik yubileyi dövlət səviyyəsində qeyd edilib.
Onun səsi bu gün də Azərbaycan musiqisinin qızıl səhifələrində yaşayır.
