Badamdar qəsəbəsindəki Nəbatat bağı ilə bağlı şikayətlər səngimir.
Bakuplus.az-a müraciət edən Gəncə sakini Ağayeva Səlbi Güləhməd qızı Nəbatat bağında gəzən nəvələrinin bütün bədəninin səpdiyini bildirib.
Səlbi Ağayeva deyir ki, nəvələri 17 avqustda 17 nəfərlik qrupla bağa gediblər, pinik ərazisində olublar, bundan sonra onların hamısının bədəni qaşınmağa başlayıb.
Şikayətçi bildirib ki, nəvələrinin vəziyyəti hələ düzəlməyib.
Səlbi Ağayeva iddia edir ki, 1 aydır Nəbatat bağına gedənlərin hamısı bu vəziyyətə düşür, hər hansı tədbir görən isə yoxdur.
Məsələ ilə bağlı Nəbatat bağından bildirilib ki, bağ ərazisində cari işlər çərçivəsində ağaclarda yayıla biləcək müxtəlif xəstəliklər, inseksid və funqisidlərə qarşı mütəmadi olaraq dezinfeksiya işləri aparılmaqdadır. Lakin istifadə olunan dezinfeksiya məhlullarının insan sağlamlığına heç bir zərəri yoxdur.
Qeyd edək ki, bundan əvvəl Nəbatat bağında uşağı ilan vurması ilə bağlı xəbər yayılmışdı.
