Bakının Nərimanov rayonu Çinarlı küçəsində yol problemi ərazidə yaşayanların narazılığına səbəb olub.
Bakuplus.az xəbər verir ki, sakinlərin sözlərinə görə, Zəfəran Hospitalın yaxınlığında yerləşən bu küçədə yollar bərbad vəziyyətdədir. Onların bildirdiyinə görə, küləkli havalarda ərazidə toz-torpaq qalxır, yağış yağanda isə ətraf palçığa bürünür.
Sakinlər vəziyyətin yaxşılaşdırılması üçün aidiyyəti qurumlara müraciət etdiklərini, lakin heç bir müsbət nəticə əldə olunmadığını bildirirlər.
Vətəndaşlar aidiyyəti qurumlardan problemin həlli üçün tədbir görülməsini istəyirlər.
