Bakının ən məşhur, adı çox çəkilən küçələrindən biri Mixail Lermontov küçəsi ilə “Azneft” dairəsini birləşdirən Niyazi küçəsidir. Bəs siz həmin bu Niyazi küçəsinin Maestro Niyazinin adına olmadığını bilirsinizmi?
Baki-baku.az məlumat yayıb ki, həmin küçə Həmzə Həkimzadə Niyazinin adını daşıyır. Həmzə Niyazi özbək sovet ədəbiyyatının tanınmış nümayəndəsi, şair, yazıçı, pedaqoq, teatr və ictimai xadimdir.
Niyazi “Ağ gül”, “Sarı gül”, “Yaşıl gül”, “Qızıl gül”, “Məktəb”, “Elm üstə”, “Kitab”, “Qələm”, “Oxu”, “Doğru oğlan”, “Uşağın pis davranışına səbəb olan ananın cəzası”, “Hekayə”, “Tısbağa və əqrəb”, “Hikayət”, “Devon” və s. əsərlərin müəllifidir.
Niyazi 1928-ci ildən təqib və təzyiqlərə məruz qalıb. Həmin ildə Şahimərdana göndərilib. Orada məktəb, təhsil, qadın azadlığı məsələləri ilə məşğul olub. 1929-cu il martın 18-də Niyazi Şahimərdanda Həzrət Əlinin məqbərəsinin yaxınlığında öldürülüb.
