“Nizami” Kino Mərkəzində böyük yanlışlığa yol verildiyi, dünya səviyyəli rejissor Sindey Lumetlə başqa dünya şöhrətli rejissor – Jan Lyuk Qodarın səhv salındığı haqqında məlumat vermişdik.
Bakuplus.az bu barədə yazandan sonra “Nizami” Kino Mərkəzi yanlışlığı aradan qaldırıb.
[caption id="attachment_170690" align="alignnone" width="768"] ƏVVƏL[/caption]
Əgər buna “aradan qaldırmaq” demək mümkünsə…
Məsələ ondandır ki, Sindey Lumetin foyedəki fotosunun altındakı “Jan Lyuk Qodar” yazısının üzərinə adi A4 kağızı yapışdırıblar. “Nizami” Kino Mərkəzinin bir mətbu orqanının yazdığına operativ reaksiyasını, yanlışlığı aradan qaldırmaq cəhdini bəlkə də “like” etmək olardı. Amma təəssüf ki, A4 işləri yaman korlayır. Hətta o A4-ə diqqətlə baxanda yenə Qodarın adını oxumaq olur.
[caption id="attachment_170691" align="alignnone" width="640"]
SONRA[/caption]
Yanlışlıq haqqında məlumatı redaksiyamıza məşhur rejissor Oleq Səfərəliyev vermişdi. Bildirmişdi ki, əcnəbilər həmişə gəlib, orada foto çəkdirirlər, sonra da gülüş işarəsi qoyaraq paylaşırlar, baxın, kino mərkəzində dünya şöhrətli rejissorları tanımırlar. İndi təsəvvür edin, yenə kinoman əcnəbilərdən biri gəlir sizin kino mərkəzinə, durur Lumetin fotosunun qarşısında və görür ki, görkəmli rejissorun adı yazılmalı olan yerdə A4 var. Yenə foto çəkib, paylaşıb, gülüş işarəsi atmayacaqlar ki, Azərbaycanın ən əsas kino mərkəzində Lumeti tanımırlar, tanısaydılar adını da yazardılar?! Atalar da yaxşı deyib: “Üzrünüz günahınızdan betər”.
Ola bilsin ki, “Nizami” Kino Mərkəzinin ora ad yazdırmağa, ya da fotonu dəyişdirməyə maddi imkanı yoxdur. Ona görə də Azərbaycanın bütün kinosevərlərinə səslənirəm ki, gəlin 5-10 manatdan “atışaq”, Azərbaycanın əsas kino mərkəzini bu biabırçılıqdan xilas edək.
Kamran Rza
