"Göbələk kimi gündə biri çıxıb danışır. Bilmirəm, Nizami Rəmzi ilə dərdləri nədir? Niyə onu həzm edə bilmirlər? Molla Məmməd Nizamidən yaşca balaca olub. Nə vaxt çıxıb musiqili meyxana dedi? Sözü deyirlərsə, sübut da etsinlər".
Bunu Moderator.az-a açıqlamasında mərhum meyxanaçı, qəzəlxan Nizami Rəmzinin qızı Heyran Baxşıyeva deyib.
O bildirib ki, Ağasəlim Çıldağ musiqili meyxanaya qarşı olub: "Samirə deyir ki, Ağasəlim Nizamidən qabaq musiqili meyxana deyib. Ağasəlim Çıldaq hansı səsiylə musiqili meyxana deyib? Kimin ağzı varsa danışır. Mən bunlara cavab verməyə bilmirəm. Birazdan çıxıb deyəcəksiz ki, Ağasəlim operanın da banisi olub. Molla Məmməd Nizamiyə müraciət edib, "Dağlı balasıyam" mahnısını ondan alıb, sözlərini "Bakılı balasıyam" adı ilə dəyişdirib. Bu faktdır və hər kəs də bilir. Bunlar ölülərlə niyə reytinq qazanırlar? Ağasəlim özü musiqili meyxanaya qarşı idi. Hətta ondan müsahibə də almışdılar, dedi ki, "heyif deyil 3 badam, bir qoz, mən musiqili meyxanaya qarşıyam". Musiqili meyxanaya qarşı olan bir adam necə ola bilər ki, Nizamidən öncə musiqili meyxana desin? Onlar çırtma ilə meyxana deyiblər. Ağasəlimin avazı var idi ki, meyxana desin? Güclə danışırdı".
Heyran Baxşıyeva bəzi şəxsləri hər dəfə bir yalana əl atmaqda günahlandırıb: "Mən də o zaman buradan bəyan edirəm ki, ilk dəfə cazı mən yaratmışam. Sübutum yoxdur, amma sözdü də, deyirəm. Bunlarınkı da ona döndü. Sübutları yoxdur, ağızdolusu danışırlar. Çağırardılar da filmlərdə meyxana demək üçün Ağasəlimi, Molla Məmmədi. Niyə çağırmadılar?
Samirə yenə də desəydi ki, meyxananı Nizami Rəmzidən əvvəl Ağasəlim deyib, hə, bununla razılaşardım. Çünki Nizamidən böyükdür. Nizaminin musiqi amsambılı var idi. Nizamidən sonra başladılar kostyum geyinməyə. Ömür boyu idman geyimində, jaketdə, başlarında kepka və əllərində təsbehlə toylara gediblər. Hamısı ona baxıb, geyim tərzini dəyişdi. Samirə bu gün, sabah deyər ki, kostyumu da ilk dəfə efirdə Ağasəlim Çıldaq geyinib. Vallah artıq onlardan bu sözü də gözləyirəm. Samirə, deyirsən ki, müasir dövrdə yeganə qadın meyxanaçısan. Sən əzbərləyib "De gəlsin" meyxana yarışmasına çıxırdın. Bunu hamı bilir. Oqtay hazırlayırdı öncədən, sənə deyirdi ki, bunları deyəcəm, sən də o birisini de. Sən bədahətən meyxana deyə bilirsən? Gözəl səsin var, oxuya bilirsən, amma danışığını bilmirsən".
Qeyd edək ki, bir neçə gün əvvəl müğənni Samirə Yusifqızı "Musiqili meyxananı Nizami Rəmzidən öncə Ağasəlim Çıldaq və Molla Məhəmməd deyib" söyləyib.
