Xalq artisti Ofeliya Sənani bu gün Xətai Tibb Mərkəzində müalicəsini bitirib, evə yola salınıb.
Bu barədə Bakuplus.az-a mərkəzdən məlumat veriblər.
Bildirilib ki, Ofeliya Sənani bu müddət ərzində onun qayğısına qalmış bütün həkimlərə və tibb bacılarına minnətdarlığını bildirərək, göstərilən xidmətdən məmnun qaldığını söyləyib. Xalq artisti bu müddət ərzində onun səhhətinə görə narahatlıq keçirən hər kəsə təşəkkür edərək, “Mən xalqımı sevirəm, bəlkə də buna görə məni sevir, narahat olurlar” deyib.
