“ATV kanalı ilə məhkəməmiz davam edir. Bundan sonra belə edəcəyəm. Mənim sənətimi təhqir edən hamını məhkəməyə verəcəyəm, qanun qarşısında cavab verəcəklər”.
Axsаm.az xəbər verir ki, bunu Əməkdar artist Elza Seyidcahan deyib.
Müğənni bildirib ki, tək kanalı yox, bir neçə sənət adamını da polisə şikayət edib: “Onları bağışlamaram. Onlar tək məni yox, mənə ad verənləri təhqir edirlər. Mənim şeirlərimi başa düşməyə bilərlər. Amma onu təhqir etmək olmaz.
Bir çox sənət adamını da polisə şikayət etmişəm. Onlar polis idarəsində məndən üzr istəyiblər, bağışlamışam. Amma bəzilərini bağışlamadım və məhkəmə prosesi gedir”.
Qeyd edək ki, E.Seyidcahan şeirinin kanalda verilişlərdən birində təhrif edildiyini deyərək ATV kanalını, eyni zamanda meyxanaçı Vüqar Əbdülovu məhkəməyə verib.
