Pirşağı qəsəbəsində yerləşən "Qızıl qum" çimərliyinin ərazisi zibillik mənzərəsini xatırladır.
Bakuplus.az xəbər verir ki, bu barədə izləyici sosial şəbəkə hesabında paylaşım edib.
Bildirilib ki, çimərliyə uşaqları ilə istirahətə gələn insanlar tullantılar arasında dincəlməli olurlar:
"Məsələ yalnız görüntü deyil, həm də sanitariya, ekologiya və insan sağlamlığı baxımından narahatlıq doğurur. Ərazidə tullantıların vaxtında təmizlənməsi və çimərliyə nəzarətin gücləndirilməsi vacibdir".
Bakı sakini həmçinin suallar içində qaldığını da bildirib.
"Çimərlik ərazisinə kim nəzarət edir və tullantıların vaxtında yığılmasına kim cavabdehdir? Ərazinin niyə bu vəziyyətdə saxlanıldığı və nə üçün təmizlənmədiyi də aydın deyil", - deyə o əlavə edib.
