5 fevral görkəmli bəstəkar Qara Qarayevin doğum günüdür.
Qara Əbülfəz oğlu Qarayev 5 fevral 1918-ci ildə Bakıda doğulub. 1935-1938-ci illərdə Azərbaycan Dövlət Konservatoriyasında (ADK) təhsil alıb. 1938-ci ildәn tәһsilini Moskva Konservatoriyasında davam etdirәrәk, 1946-cı ildә konservatoriyanı bitirib (D.Şostakoviçin bәstәkarlıq sinfini) vә һәmin ildәn ADK-da dәrs demişdir.
Bəstəkarın ən məşhur əsərlərindən biri “Yeddi gözəl” baletidir. Bu balet dünyanın bir çox ölkələrinin teatr səhnələrində oynanılıb. Q.Qarayevin “İldırımlı yollarla” baletində zənci musiqi folkloru böyük ustalıqla işlənmişdir. Q.Qarayev “Leyli və Məcnun” simfonik poemasında musiqi ilə ali Nizami poeziyasının bütün incəliklərini əks etdirməyə nail ola bilib. Qara Qarayev “Könül mahnısı” kantatası, “Dostluq himni” kantatası kimi iri həcmli böyük vokal-simfonik əsərlərin müəllifidir. O, C.Hacıyevlə birlikdə “Vətən” operasına, “Ələkeçməz Qaskonlu” müziklinə və bir çox dramatik səhnə əsərlərinə, bədii filmlərə musiqi bəstələyib.
Qara Qarayev 1953-1982-ci illərdə Azərbaycan Bəstəkarlar İttifaqının birinci katibi, 1962-1982-ci illərdə SSRİ Bəstəkarlar İttifaqının katibi olub. 1946-1982-ci illərdə Azərbaycan Dövlət Konservatoriyasında dərs deyib, 1949-1953-cü illərdə bu Konservatoriyanın rektoru olub. O, dəfələrlə Azərbaycan və SSRİ Ali sovetlərinə deputat seçilib. Bir sıra orden və medallarla təltif olunub. Qara Qarayev 13 may 1982-ci ildə Moskvada vəfat edib, Bakıda Fəxri Xiyabanda dəfn olunub.
