Dekabrın 24-də “Nizami” Kino Mərkəzində “Qırxdan sonra…” qısametrajlı bədii filminin təqdimatı olacaq.
Bakuplus.az xəbər verir ki, filmin ssenari müəllifləri Saida Haqverdiyeva, Sevda Sultanova, rejissoru Saida Haqverdiyevadır. Əsas rolları Zümrüd Qasımova və Gülçöhrə Abdullayeva ifa edirlər.
Filmin qəhrəmanı ailə, məişət sıxıntıları ilə üzləşən, yaşı 40-ı keçmiş aktrisadır. Zaman keçdikcə kinoda və teatrda ona tələbat azalır, aktrisa isə bunu qəbul etmək istəmir.
Rejissor aktyor və qadın taleyinə qəhrəmanın sarsıntıları, yaşantıları fonunda kinematoqrafik baxış edir.
