26 avqust görkəmli rejissor Arif Babayevin anım günüdür.
O, 25 sentyabr 1928-ci ildə Bakıda anadan olub. 1947–1953-cü illərdə Azərbaycan Dövlət İncəsənət İnstitutunun rejissorluq fakültəsində təhsil alıb. 1956–1968-ci illərdə Azərbaycan Dövlət Teleradio Komitəsində çalışıb, daha sonra "Azərbaycanfilm" kinostudiyasında quruluşçu rejissor kimi fəaliyyət göstərib.
Arif Babayev Azərbaycan kinosunda müəllif kinosunun əsas nümayəndələrindən biri kimi tanınıb. Onun yaradıcılığında insan taleyi, sevgi, mənəvi seçimlər və Bakı şəhərinin özünəməxsus ab-havası xüsusi yer tutub. Rejissor xüsusilə "Uşaqlığın son gecəsi", "Gün keçdi", "İnsan məskən salır", "Arxadan vurulan zərbə" və "Alma almaya bənzər" filmləri ilə Azərbaycan kino tarixində dərin iz qoyub. Onun filmlərində Bakının küçələri, İçərişəhərin həyatı və şəhər insanının daxili dünyası poetik şəkildə təqdim edilirdi. Bu xüsusiyyətinə görə Arif Babayev Azərbaycan kinosunun "ekran şairlərindən" biri kimi də xatırlanır.
Əməkdar incəsənət xadimi olan Arif Babayev 26 avqust 1983-cü ildə, 54 yaşında vəfat edib.
